2020-12-06
17:49:09
法庭文字直播台
#東區裁判法院第十庭
#張志偉裁判官
#20200101灣仔 #審訊[1/5]
補回詳情，D1部分，part 1
D1:高(17)
(1)刑事損壞 (D1,D2)
於本年1月1日，在香港灣仔軒尼詩道71號至85號的滙豐銀行分行之外，分別損壞屬分行的出入口之玻璃門及木圍板
(2)管有適合作非法用途的工具及意圖作非法用途使用(D1)
於本年1月1日，在香港灣仔軒尼詩道71號至85號的滙豐銀行分行之外，管有1個爆破玻璃鎚，1支鉗和1個扳手(士巴拿)
\=========
傳召證人警長A
主控表示基於匿名令內容，不為警長A作背景提問，並供有受匿名令保護的6名警員代號列表，以便庭上討論。
控辯不爭議當日由民陣舉辦於1430在維園起步至遮打花園的遊行獲發不反對通知書。
警長A同意，並據主控指示講述當日詳情：
約1400，警長A被安排於灣仔軒尼詩道及盧押道交界HSBC附近，作便衣觀察任務，主要針對破壞事件作出應變行動。
當日1639，於上址櫃員樓提款中心（下稱「中心」）外有7-8名穿黑衣，黑褲，黑口罩，深色背囊的男子聚集，在上址中心內有2-3名穿黑衣的人，警員A因而行去華美大廈對出做觀察（華美大廈即華美樓）。當時警長A與中心距離約20米，並留意著中心情況及用通訊機通知隊員。
約1640，門口聚集的黑衣人打開了遮陣，見到有人拎類似棍狀物敲打中心玻璃門，並有玻璃碎跌落地。警長A隨即用通訊機通知隊員
約1641，見到遮陣散開，黑衣人沿軒尼詩道東行線行人路向金鐘方向離開。其後支援隊員抵達中心對開，並有其中一個從遮陣出來的男子（身穿黑衣，黑褲，黑背囊）停在其面前，並轉向望中心的情況。故警長A一直觀察該男子。
約1642，見到警員B行到身邊，便通知他現正觀察的男子與剛才破壞事件有關。
約1643，該男子想轉身離開，便與警員B向該男子表露身份，並作出拘捕。在拘捕期間把他按在地上，該男子不斷掙扎，想起身逃走，期間甩了背囊在其身旁。該男子被制服後，警長A與警員B帶同該男子及拎了背囊，一同返回中心入面，並將背囊及該男子交給警員B控制及看管，然後出去幫其他警員控制現場環境。
由於被捕人身份不爭議，後稱之為被告人。
警長A指出其所在的華美大廈處於「面向中心嘅話，喺中心嘅左邊」
辯方提供街道圖予警長A，其在地圖上指出華美樓及中心位置，而所謂「華美大廈對出觀察」是指在華美大廈外行人路與馬路交界位置。
警長A表示第一次見到7-8人聚集，並未行到華美大廈，而是在軒尼斯道與盧押道交界，與該群人相距約15米，其後才沿東行線往金鐘方向行去人群的前方（即所謂華美大廈對出），在經過中心到達華美大廈對出時，望到有2-3人在中心入面。
當時日光光線充足，觀察時並沒有受阻擋，因為遊行人士在行車路行走比較流動。早前提及有人開遮陣，大約有4把遮，而並無遮擋觀察，因4把遮主要向外豎起，並有上下左右移動，過程中，遮陣冇遮蔽視線時，見到有人揸住棍狀物體敲打玻璃門，一路有玻璃碎彈出來及跌落地下。
當另外便裝隊員到達中心對出行人路，見到現場有啲起哄。警長A見到被告從遮陣步出離開並面向警長A方向行時，有轉身望回中心方向。當被告再轉身往警長A方向望開，當時警長A與被告僅有1米左右，警長A與警員B表露身份作出拘捕。從遮陣離開至作出拘捕，被告均沒有離開其視線，也沒有任何人或物件遮擋視線，日光充足。
（觀看約3分鐘影片，由於屏風阻礙，旁聽席未能看到影片）
16:41:33 顯示玻璃門裂左
16:41:43 顯示玻璃門跌左落地
過程睇到打左2-3次
控方讓警長A認出證物，警長A不認得證物P2背囊，當背囊加上證物P31黑色背囊套便認得是被告當時所揹的背囊。
主問完結
\===========
D1盤問
辯：便裝的情況下有否著黑色背心標示為警務人員？
警長A：沒有
辯：有冇携帶裝備
警長A：沒有
辯：當天你著嘅裝束與普通遊行人士，路人相似
警長A：係
辯：工作目標是喬裝成路人或示威者以便工作
警長A：係
辯：當日兩條東西行線均開放予遊行人士
警長A：係
辯：當時警方並無拉起封鎖線（華美大廈至中心之間）
警長A：沒有
辯：也沒有鐵馬
警長A：沒有
辯：那7-8人都是黑衣，黑褲，黑口罩，而見唔到容貌
警長A：見唔到
辯：有幾多人扑玻璃
警長A：唔知
辯：邊個扑玻璃
警長A：睇唔到
辯：中心有白色圍板圍出左，另有2級才到達玻璃門位置
警長A：係
辯：爆玻璃果又你喺華美樓，與HSBC係同一邊？
警長A：係
辯：如果再扑玻璃，要行入兩級先扑到玻璃？
警長A：係
辯：華美樓與HSBC其實唔止20米
警長A：記憶中係
辯：中間有5個地舖相隔
警長A：唔記得有幾多個地舖，但距離係約20米
辯：有個酒家都好大
警長A：唔記得，總之大約20米
辯：何謂「交界」位置
警長A：行人路與行車路之間位置
辯：行人路與行車路之間有一級，咁你係行人路果度定行車路果度
警長A：有時行上一級，有時行落一級，大約位置黎
辯：因為你會好礙眼
警長A：同意，所以唔行埋去
辯：如果想睇清楚啲，就要行出行車路，會阻到人
警長A：同意
辯：現場有好多旗
警長A：有旗
辯：啲旗有冇阻礙望HSBC
警長A：沒有，因為啲人主要行行車路
辯：但打斜望旗冇阻住？
警長A：沒有
（辯方讓警長A睇相）
辯：張相喺行人路影？
警長A：唔知
辯：拍攝的人近過你企喺華美樓
警長A：係
辯：相中睇唔到爆玻璃的位置
警長A：係
辯：咁你點睇到爆玻璃？
警長A：見到有玻璃碎
辯：點睇到棍？
警長A：睇到有棍狀物
辯：指出你冇可能見到敲爆玻璃
警長A：唔同意
辯：你有通知警員B？
警長A：不只是警員B，用通訊機通知其他人
辯：通知果陣遮陣散開果陣？
警長A：唔係，破壞果陣已經通知同事
辯：你今朝同主控講，由爆玻璃到散開其中打了2，3下
警長A：係
辯：過程約5秒
警長A：唔係
辯：點樣通知
警長A：講「有人爆HSBC過黎支援」
辯：有冇一個階段告之有2個黑衣黑褲的男子喺遮陣中離開
警長A：冇喺通訊機講
辯：用通訊機講果陣視線有冇離開
警長A：沒有
辯：見到D1喺面前，警員B已到達，並有告之B，D1與破壞有關，準備拘捕？
警長A：係
辯：你有冇拎出警棍
警長A：冇
辯：咁B有冇
警長A：冇
辯：現場其實有第3個人，係一名不知名便裝警員
警長A：當時有隊員喺度
辯：佢有拎警棍
警長A：唔清楚
辯：三位其中一位有拎警棍
警長A：唔知道
辯：爆玻璃果陣好大聲
警長A：唔算好大聲，但聽到玻璃碎
辯：果個位置有防暴警員開緊胡椒球槍
警長A：果陣冇軍裝，都冇胡椒球
辯：有一直望住D1
警長A：係
辯：回口供果陣講到時間
警長A：係
辯：冇望手錶？
警長A：冇每一下都睇手錶
辯：用通訊器唔需要睇通訊器？
警長A：唔駛
辯：當時好多人，好混亂
警長A：係
辯：當時有望其他人
警長A：當時冇人喺附近
辯：你企喺行車路邊點會冇人
警長A：唔關事
辯：唔駛睇？
警長A：喬裝緊
辯：同B溝通，目光有冇望B
警長A：冇
辯：傘陣到華美樓之間，行人路上冇嘢阻擋？
警長A：冇
辯：冇人喺行人路度?
警長A：冇，啲人主要喺行車路
辯：現場冇封鎖線，啲人會行行下行入行人路
警長A：當時冇人行上行人路，就算有，都冇遮擋
辯：行人路上有旗手
警長A：冇
辯：參與遊行人士都係黑衣黑褲黑口罩
警長A：好多人都係
辯：唔止一次有人行上行人路
警長A：當時見唔到有，專注力只放喺HSBC果個人度
辯：所有注意力放喺HSBC，咁D1離開果陣隻手揸住啲咩
警長A：冇揸
（辯方讓警長A查看7張相）
辯：相中（匿名令屏蔽內容）係咪你
警長A：係
辯：（匿名令屏蔽內容）係咪B
警長A：係
辯：其餘係咪不知名警員？
警長A：係隊員
辯：係咪揸住警棍
警長A：唔清楚係咪
辯：一人拖住一隻手拖行帶佢番去，好似拖屍咁，背部，臀部著地
警長A：係
辯：當時D1甩左身上嘅物品
警長A：期間見唔到有嘢跌，冇印象
辯：甩左左邊鞋
警長A：冇印象
辯：睇番北角警署影的相，左腳鞋係冇左
警長A：係
辯：有冇留意到
警長A：冇留意佢有甩鞋
辯：甩左頂黑鴨嘴帽
警長A：冇留意
辯：頂帽係你叫B執起
警長A：我冇咁嘅印象
辯：甩左個背囊
警長A：記憶中，係制服果陣甩
辯：甩左眼鏡，仲爆埋
警長A：冇印象
辯：背囊係由你執起並撿取
警長A：係
辯：喺相中見到有人手執警棍
警長A：只係見到黑色長型
辯：咁咪即係警棍
警長A：唔肯定，相太矇
辯：當時地下仲有啲嘢，比相你睇，地下散落一啲工具
警長A：冇見過
辯：從另一張相，見到你右手握住拳頭揸住啲嘢，係咪揸住啲嘢，揸住左啲咩
警長A：唔肯定，如果只係睇相黎講
辯：想擺啲嘢落背囊
警長A：冇做過
辯：誤會係背囊嘅嘢？
警長A：冇打開過
辯：咁張相反映你做緊咩
警長A：冇打開個背囊
辯：背囊斷左條帶，有個空隙好易入到去中心位置，有塊反落黎嘅嘢，有兩個扣，從側邊好易擺到嘢
警長A：係，我喺明條問題問咩
辯：唔緊要，你已經答左
辯：相中左手揸住背囊，右手揸住拳頭，好似想擺嘢入背囊
警長A：唔記得有呢個動作
辯：拖行位置係咪一開始企喺華美樓嘅位置
警長A：係
辯：中間有4度鐵閘，有個有黃色光嘅位置，係咪東苑酒家
警長A：唔知，答唔到
辯：HSBC係再遠啲
警長A：佢應該係喺黃色舖隔離
辯：有人企左喺行車邊，都睇喺到HSBC，連機都睇喺到HSBC
（按：此處HSBC指圍板內玻璃門的情況）
警長A：唔同意
辯：從圖中都睇唔到
警長A：係
辯：果度咪華美樓嘅位置
警長A：當時我睇到
辯：指出D1當時只係參與遊行，冇喺遮陣出黎，都冇喺玻璃門附近，你誤認D1係其中
警長A：唔同意
（D1盤問完成，字數所限，其餘留下一part）